佢對我好好，好到我覺得除咗屋企人之外，我再揾唔到第二個咁就我嘅人
但唔知點解，佢好似無論做啲咩，我嘅感動都只係會維持一個好短嘅時間
我地只要一有啲拗撬，我就會由原本好鐘意變到無咩感覺
佢之前為我做嘅嘢，為我付出嘅一切，就好似白廢咗咁
我覺得我好似挽緊佢咁，因為我覺得我好似唔係真係咁鐘意佢，但另一方面又會怕佢頂唔順我啲壞脾氣而離我而去
我已經分唔清自己係鐘意佢定唔係咁鐘意佢
我怕佢離開係因為鐘意佢定因為唔捨得佢對我嘅好
我真係分唔清